Молдағалиев Жұбан атындағы көше (Алматы)

Көшеге мемлекет және қоғам қайраткері, қазақтың ақиық ақыны, Ұлы Отан соғысының ардагері Жұбан Молдағалиевтің есімі (Алматы қаласы әкімінің 02.10.1996 № 239 шешімі) берілген. Жұбан Молдағалиевтің (1920-1988) Орал облысының Тайпақ ауданында дүниеге келген. Ол «Жұлдыз» журналының бас редакторы, КСРО Жазушылар Одағы басқармасының хатшысы, Қазақстан Жазушылар Одағының 1-ші хатшысы қызметтерін атқарған. Ол - «Мен қазақпын», «Жеңіс жырлары», «Жарқын жол», «Жесір тағдыры», «Уақыт тынысы», т.б. поэмалардың авторы.

Көше Түрксіб ауданында орналасқан. Бұрынғы атауы - Қазақстан комсомолының 10 жылдығы көшесі. Көшенің ұзындығы - 1250 метр.