Молдова туы

Молдова туы (рум. Drapelul Moldovei) — Молдова Республикасының мемлекеттік рәміздерінің бірі. Ол ортасында елтаңбасы (өгіз салынған қалқанды ұстаған қыран) орналасқан көк-сары-қызыл түсті триколор болып келеді. Тудың сыртқы жағының дизайны оригиналдың айна-қатесіз көшірмесі болып келеді.

Молдова туы рум. Drapelul Moldovei
Мемлекет	Молдова
Қабылданған	6 қыркүйек 1990
Қолдануы
Пропорция	1:2
Дизайны	Ортасында елтаңбасы бейнеленген көк-сары-қызыл түсті вертикалды триколор
Қабылданған	26 қараша 2010
Қолдануы	кері жағы
Пропорция	2:3

Молдова туының дизайны Румыния туына негізделген еді, бұл екі елдің жақындығы және мәдени ұқсастығын білдіреді. Молдова туының ерекшелігі — сары жолақтың үстіндегі бейнеленген елтаңбасы. Румыния елтаңбасы сияқты, Молдованың елтаңбасы 1990 жылы жасалды және тұмсығында Православ крестін ұстаған алтын қыран болып келеді.

Дизайны

Молдова туының егжей-тегжейі

2010 жылға дейін Молдова туының түс реңктері нақты аталмаған. Туға қатысты ережеде тудың түсі қосымшада көрсетілген түстерге сәйкес келуі керек ғана деп көрсетілген. Молдовалық геральдист және вексиллолог Сильвиу Андриеш-Табак берген сұхбатында, 1990 жылы туды жасау кезінде «көптеген елдерде үш түсті жалаулар ұқсас екені ескерілді. Нәтижесінде, Румын туындағы ультрамарин көк түсінен бас тарту және оның орнына изумруд-көк түсінің қолданылуы шешілді...».

Туда қолданылған түстердің нақты және ресми реңктері:

Түс	Көк	Сары	Қызыл	Қоңыр	Жасыл
Pantone	293c	109c	186c	4645c	3415c
CMYK	97.81.0.0	1.15.100.0	13.100.90.4	0.28.48.30	100.26.86.14
RGB	0-70-174	255-210-0	204-9-47	176-126-91	0-122-80
HTML	#0046AE	#FFD200	#CC092F	#B07E5B	#007A50

Сыртқы жағы

1990–2010 жылы қолданылған тудың сыртқы жағы

2010 жылдың 26 ​​қарашасына дейін Молдованың туы Парагвай және Сауд Арабиясының туымен қатар алдыңғы және артқы жағы әртүрлі болатын санаулы мемлекеттік тулардың бірі болды. Молдова туында елтаңба тек алдыңғы жағынан бейнеленген еді. 2010 жылы қабылданған заңға сәйкес елтаңба салынатын болды.

Үкіметтік тулар

Үкіметтік штандарттар

2010 жылы мемлекеттік тудан алынған төрт жаңа мемлекеттік стандарт бекітілді. Қорғаныс министрінің стандарты әлі анықталған жоқ, оның орнына қазір мемлекеттік ту қолданылады. Президенттің, Парламент президентінің және Премьер-Министрдің қалған үш штандарты келесідей сипатталған:

Ортасында Молдова елтаңбасы бейнеленген төртбұрышты байрақ, оның қыраны алтын түсті (қара алтынның немесе қоңырдың орнына). Тудың әрқайсысы жалау енінің 1⁄9 бөлігін құрайтын және көк-сары-қызыл-сары үлгісі бойынша төртбұрыштардың жиегі бар. Тудың фоны Президент үшін күлгін, Парламент төрағасы үшін қызыл және Премьер-Министр үшін көк түсті.

Түпнұсқа жалаулар иелерінің кеңселерінде сақталады. Көшірмелерді ресми резиденцияларда, титул иегері орналасқан ғимараттар сыртында; сондай-ақ өздерінің көліктерінде ілінеді.

• 
  1:1 Президент туы
• 
  1:1 Парламент президентінің туы
• 
  1:1 Премьер-министрдің туы

Басқа үкіметтік штандарттар

Бірнеше үкіметтік ұйымдарда парламент немесе үкімет шешімдерімен бекітілген жалаулар бар:

• Молдованың Азаматтық қорғаныс және ерекше жағдайлар департаменті;
• Молдова кедені;
• Молдова шекара қызметі;
• Молдова Республикасының Ақпарат және қауіпсіздік қызметі;
• Қауіпті өндірістік объектілерді техникалық қадағалау жөніндегі бас мемлекеттік инспекциясы.

• 
  2:3 Азаматтық қорғаныс және ерекше жағдайлар департаменті
• 
  2:3 Кеден туы
• 
  1:2 Кеден туының басқа нұсқасы
• 
  2:3? Шекара қызметі
• 
  2:3 Ақпарат және қауіпсіздік қызметі
• 
  1:2 Қауіпті өндірістік объектілерді техникалық қадағалау жөніндегі бас мемлекеттік инспекциясы

Әскери туы

Молдова Қарулы Күштерінің туы 1998 жылы тамызда бекітілді. Бұл жалау сары жиегі бар қызыл тік айқышы бар көк түсті панель болып келеді. Ортасында Молдова армиясының эмблемасы орналасқан. Арақатынасы — 3:2.

Елтаңбасы тұмсығында күміс крест, тырнағында қылыш пен сойыл бар алтын қыран болып келеді; кеудесінде Молдованың кішкентай елтаңбасы бейнеленген қалқан орналасқан. Тудың орталық бөлігі 1834-1863 жылдардағы ескі әскери туға ұқсас.

Тарихи тулар

Тарихының көбісінде Румыния мен Молдова бір мемлекет болған, сондықтан тарихи тулардың көбісі бірдей болып келеді.

• 
  Молдова Демократиялық Республикасының туы
• 
  Молдова съезінің туы (Sfatul Țării), 1917–1918
• 
  Молдова Демократиялық Республикасының баннері, 1917–1918
• 
  Молдаван Автономиялы Кеңестік Социалистік Республикасының туы, 1938
• 
  Молдован Кеңестік Социалистік Республикасының байрағы, 1952–1990
• 
  Молдован Кеңестік Социалистік Республикасы байрағының ұсынылған нұсқасы, 1990
• 
  Молдова Коммунистер партиясы ұсынған ту (2010)
• 
  Молдованың бұрынғы президенті Игорь Додон ұсынған ту (2018)

Молдованың көптеген тарихи және кейбір ұсынылған байрақтарда бұғы басы бейнеленген. Бұл — бұрын болған Молдавия мемлекетінің туы мен елтаңбасында қолданылған тарихи символ.