Молекулалық кристалдық тор

Молекулалық кристалдық тор — кристалдық торының түйіндерінде заттың нейтрал молекулалары орналасатын, ал олардың арасындағы өзара әрекеттесу күштері атомдардың электрондық қабықшаларындағы электрондардың аз ығысуынан пайда болатын кристалл торы. Оған түйіндерінде полюсті және полюссіз байланысты молекулалар болатын тор жатады.

Байланыс түрі

Кристалдық тордың түйіндерінде белгілі түрде бағдарланған нейтрал молекулалар орналасады. Кристалдағы молекулалардың арасындағы байланыс күштерінің тегі де газдарды идеалдықтан ауытқытатын молекулалар арасындағы тартылыс күштерімен бірдей. Сол себебтен оларды Ван-дер-вальстық күштер деп атайды. Олар әлсіз болып келеді. Мысалы, мына заттардың молекулалық торлары болады: H₂, N₂, O₂, CO₂, H₂, O. Мұз да, құрғақ мұз да (қатты көмір қышқыл) молекулалық кристаллдар болып табылады .

Қасиеті

• қаттылығы, мықтылығы төмен;

• t_қ, t_б төмен;

• бөлме температурасында газ және сүйық күйінде кездеседі;

• ұшқыш келеді;

Мысалы

Молекулалық кристалға H₂, N₂, O₂, F₂, P₄, S₈, Ne, He сияқты жай заттар және күрделі заттар (СО₂, H₂O, қант С₁₂H₂₂O₁₁ және т.б.) жатады.