Монокарпикалық өсімдіктер

Монокарпикалық өсімдіктер (гр. μόνος — «бір», «жалғыз» және гр. καρπός — «жеміс») — бүкіл өмір бойы тек бір рет көбейетін (гүлдейтін немесе жеміс салатын өсімдіктер). Ботаникада монокарпикалық өсімдіктерді тағы да бірұрықты, монокарпик және галаксанттық өсімдіктер (бір рет гүлдейтін өсімдіктер) деген синонимдермен атайды.

Монокарпикалық өсімдіктердің басым бөлігі біржылдық немесе екіжылдық. Бірақ бірнеше ерекшеліктер бар. Мысалы, «Жүзжылдық өсімдік» немесе америкалық агава, Пуйа және Юкка түрлерінің өкілдері және кейбір бамбуктар бірінші гүлденгеніне дейін 8-20 жыл өсуі мүмкін, ал бамбук тіпті 100 жылға дейін. Егер бірінші гүлдер шығып келе жатқанға дейін, ал кейбір кездері бірінші жеміске дейін оларды жойып тастаса, монокарпикалық өсімдік өлмей, көп жыл өмір сүруі мүмкін