Мон-Сен-Мишель

Мон-Сен-Мишёль Әулие Михаил тауы - Париждің солтүстік-батысына қарай 400 шақырым жердегі Бретания мен Нормандияның шекарасында орналасқан құз жартасты арал. Мұнда Мон-Сен-Мишёль абаттығы орналасқан. Бұл гранитті жартастың диаметрі - шамамен 930 м, биіктігі -теңіз деңгейінен 92 м. Тарихы Аббаттықтың тарихы 708 жылдан басталады. Аңызға сенсек, Архангел Михаил Авранш есімді епископқа Мон-Томб тауына ғибадатхана тұрғызу тапсырылады. XI ғасырда аралға бенедикт-монахтар келеді, аббаттықтың негізін осы монахтар қалаған. Аббаттық ғасырлар бойы діндарлардың зиярат ететін орны болды. Сондай-ақ әр кезеңдерде түрменің, монастырьдің қызметін атқарды. Франция мен Англия арасында болған жүзжылдық соғыста Мон-Сен-Мишель француздардың Нормандиядағы алдыңғы қатарлы бекінісі болды. Бұл бекіністі жаулар ешқашан ала алмаған. Абаттықтың төменгі көлік тұратын бөлігі су тасқыны кезінде суға батып кеткен. Орта ғасырларда бұл аббаттықты адамдар жұмаққа теңеген. 1790 жылы монахтар монастырьден біржола кетіп, аббаттық 1863 жылға дейін түрме ретінде пайдаланылған. 1874 жылы аббаттыққа тарихи ескерткіш дәрежесі беріліп, бастапқы әсем қалпына келтіру мақсатында көптеген жөндеу жұмыстары жүргізілді. Қазіргі уақытта Бүгінде Мон Сен-Мишель аббаттығы Франциядағы ең әйгілі туристік орын болып табылады. Бұл жерге жылына 3,5 миллион саяхатшы келеді. 1979 жылдан бастап Мон-Сен-Мишель аббаттығы және ол орналасқан шығанақ ЮНЕСКО-ның Бүкіләлемдік мәдени және табиғи мұралар тізіміне енді.

Дереккөз

1. https://en.wikipedia.org/w/index.php?title=Mont_Saint-Michel&action=submit