Моғолдар

Моғолдар (мо­гол, мо­гул, мон­гул) — Ауғанстанның солтүстік-батысындағы халық (Герат вилаяты). Жалпы саны 20 мың адам. Моғолдар – 13 ғасырдағы Ауғанстанды жаулап алған моңғолдардың жергілікті халықпен араласып, оның тілі мен мәдениетін негізінен қабылдаған ұрпақтары.

Моғолдар
мо­гол, мо­гул, мон­гул
Бүкіл халықтың саны
20 000
Ең көп таралған аймақтар
Ауғанстан
Тілдері
моғол тілі
Діні
суннизм

Этнонимі

В.В.Бартольдтың айтуынша, «моғол» термині Орта Азиядағы моңғолдардың кең тараған атауы болған. Мұсылман қолжазбаларында моңғолдар моғол немесе могул деп көрсетілген. Қазіргі уақытта моңғолдар Ауғанстандағы шағын этносты, сондай-ақ XVI ғасырда Үндістанға басып кірген мұсылман жаулап алушылардың ұрпақтарын білдіреді. Батысқа қоныс аударған моңғолдардың әлі күнге дейін өз тілін сақтап қалғандары өздерін моғол деп те атайды (бұл тайпа Ауғанстанда тұрады).

Тілі

Моғол тілі — моңғол тілінің архаикалық диалектісі. Сондай-ақ, халықтың бір бөлігі дари, пушту, фарси, хинди, урду және араб тілдерін әртүрлі дәрежеде сөйлейді.

Діні

Діні бойынша моғолдар - сүнниттік мұсылмандар.

Кәсібі

Таулы аймақтағы моғолдар көшпелі өмір салтын ұстанады. Жазық жерлерде тұратын моғолдар көрші тәжіктердің жер өңдеу және суару әдістерін қабылдаған. Шаруашылықта, материалдық және рухани мәдениетте (әсіресе фольклорда) моңғолдың архаикалық ерекшелігін байқауға болады.