Моңғол операциясы

Моңғол операциясы (1921) - генерал барон Р.Ф.Унгерн фон Штернбергтің ақ гвардияшыл бандыларын Моңғолияда талқандау қимылы. Унгерн бандылары 1920ж. күзде Забайкальеден Моңғолияға баса-көктеп кірді . 1921 ж. 4 ақпанда Урганы (қазіргі Улан-Батор) және басқа бірнеше ауданды басып алды. Сухе-Батор мен Х. Чойбалсан басқарған халық бұқарасы басқыншыларға қарсы күреске аттанды. 1921 ж. 10 сәуірде Моңғолияның уақытша халық үкіметі РКФСР үкіметіне Унгерн бандыларымен күресте өздеріне көмек көрсету жөнінде өтініш білдірді.