Музалар

Музалар-ежелгі грек мифологиясындағы әр салада адамдардың рухани әрекеттерін (поэзия, өнер, ғылым, т.б.) жебеуші құдайлар, Зевс пен Мнемосинаның қыздары. 9 М. алғаш Гесиодтың "Теогониясында" (б.з.б. 7 ғ.) аталады. Мыс., Мельпонема - трагедияның, Талия - комедияның, Терпсихора - бидің, Полигимния - гимндердің жебеушілері саналған. Еуропа кескіндемесінде көрнекті орын алды, ал олардың кейбіреулерінің аттары әр түрлі жанрларда синоним ретінде пайдаланылды.