Мухитдин Сражиев

Мухитдин Сражиев (1. 1. 1928 жылы туған, Оңтүстік Қазақстан облысы, Шымкент ауданы) — тіл білімі маманы, филология ғылымының кандидаты (1967), доцент (1970). ҚазМҰУ-ды бітірген (1950). 1950 - 1971 жылдары Шымкент педучилищесінде алғаш мұғалім, соңынан директор. 1958 жылдан Шымкент педагогика институтында оқытушы, доцент болып жұмыс істеп келеді. ҚазКСР ғылым академиясының корреспондент-мүшесі, профессор М. Балақаевтың жетекшілігімен "Сәкен Сейфуллиннің прозалық шығармаларының тілі" деген тақырыпта кандидаттық диссертация қорғады. Ғылыми мақалалары негізінен лексикология, көркем шығарма тілі мәселелеріне арналған.