Мысықтабан

Мысықтабан (лат. Antennaria) – астралылар тұқымдасына жататын көп жылдық шөптесін өсімдік, кейде шала бұта түрі де кездеседі.

Мысықтабан
Қосүйлі мысықтабан
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Asterales Тұқымдасы: Asteraceae Кіші тұқымдасы: Asteroideae Тайпасы: Gnaphalieae Кіші тайпасы: Cassiniinae Тегі: Antennaria Gaertn. 1791
түрлері
42 түрі белгілі

Таралуы мен өсетін жері

Дүние жүзінде 50 (кейбір деректерде 100) түрі белгілі. Қазақстанда құмды жерлерде, шалғындарда, тоғайлар мен орманның ашық жерлерінде өсетін 1 түрі – Қосүйлі мысықтабан ( Antennarіa dіoіca).

Ботаникалық сипаты

Мысықтабан (Antennaria alpina)

• Биіктігі 3-30 см.
• Төсемелі тамырынан бірнеше жіңішке бұтақтар өсіп шығады.
• Гүлі жетілетін сабағы дара болады.
• Жапырағы қалақ тәрізді, жапырағының да, сабағының да сыртын ақ түсті түк жапқан.
• Гүлі қос жынысты, түтікше пішінді себетте орналасқан. Гүлшоғыры – шашақ.
• Мамыр – шілдеде гүлдеп, маусым –тамыз айларында жеміс салады.
• Тұқымы ұсақ, сырты жылтыр, айдаршасы болады. Мысықтабан – дәрілік өсімдік.