Мыс ошағы

Мыс ошағы — Әмен Әзиевтің Солтүстік Балқаш өңірінің тарихы жайындағы романы.

Жазушы өзінің 1977 жылы шыққан «Жез таулар» романын өңдеп, толықтырып, 1980 жылы «Мыс ошағы» деген атпен қайта шығарды. 1991 жылы шығарма орыс тілінде «Медный пояс» деген атпен жарияланды.

Роман үш бөлімнен тұрады:

1. Сағымды дала,
2. Көмілген алтын,
3. Қазына төрінде.

Кітапта 1920-жылдардағы қыр елінің тұрмыс-тіршілігі, тап тартысы, жаңа өмір тынысы, мал бағуды кәсіп еткен қазақ шаруаларының өндіріске, кен барлау ісіне араласуы жан-жақты бейнеленген.

Сондай-ақ, Әмен Әзиев қазақ халқының еңсегей тұлғалы ұлдарының бірегейі Қаныш Имантайұлы Сәтбаевтың образын әдемі мүсіндеген. Автор ұлы ғалыммен Қарағандыда да, Алматыда да әлденеше рет жолығып, армансыз сұхбаттасқан көрінеді. Сәтбаевтың жасы үлкен досы, әйгілі геолог Михаил Петрович Русаковтың да бейнесін де шынайы етіп көрсете алған.

Русаков геологиялық барлау партиясының жаңалық сағынған адамдарына қонақтардың жай-жапсарын қысқаша баяндады. Алдымен Қарсақбай мыс заводының іске қосылуына байланысты биыл февраль айында Москвадан Қарсақбайға көшірілген «Атбасцветмет» тресіне бастық және бас геолог боп тағайындалған Қаныш Сәтбаевты мұндағы мамандарға жеткізе таныстырды.