Мүрдетөбе 2

Мүрдетөбе 2 – ортағасырлық қоныс орны, Түркістан облысының жергілікті маңызы бар тарих және мәдениет ескерткіштері тізіміне енген археология ескерткіші.

Орналасқан жері

Түлкібас ауданы, Кемербастау ауылынан 3,8 км батыста батыста орналасқан.

Кезеңі

VІІІ-Х ғасырлар.

Сипаты

1940 жылы Жамбыл археологиялық экспедициясы (жетекшісі Г.И. Пацевич), 1980 жылы Шымкент педагогикалық институты археологиялық экспедициясы отряды (жетекшісі Н.П. Подушкин) зерттеген.
Қоныс түрі – “алаңқай төбе”. Орталық төбе табанының ауданы 20х50 м, үстіңгі бөлігінің ауданы 40х30 м, биіктігі 3-6 м. Оның солтүстік және шығыс жағында таға тәріздес ауданы 0,1 га, биіктігі 1,5–2 м алаңқай төбешік оңтүстікке созыла орналасқан. Зерттеу барысында жиналған толқын сызықты өрнектер салынған заттарға (қыш ыдыстар – құм, тостаған, қазан, тағы басқа) қарағанда қонысты халық 8-10 ғасырларда мекен еткен. Олар егін егіп, мал өсірумен шұғылданған.