Мұзаппар Адамбекұлы Шыныбаев

Мұзаппар Адамбекұлы Шыныбаев

1946 жылы 22 желтоқсанда Алматы облысы Ескелді ауданы Жетісу ауылында туған. Қазақ.

Әкесі - Шыныбаев Адамбек (1906-1997) . Анасы - Шыныбаева Бәтима (1920-2003).

Қазақ ауылшаруашылық институтының ауылшаруашылық өндірісі процестерінің механизациясы факультетін бітірген (1968), инженер-механик.

Техника ғылымдарының кандидаты (1978). Кандидаттық диссертациясының тақырыбы: «Дәнді дақылдарды бөлек жинау кезінде орылған ықтырмаларды құрастыруға қажет құрылғылардың негізгі параметрлерін зерттеу және негіздеу». Жалпытехникалық пәндер кафедрасының профессоры (1992). ҚР Жаратылыстану ғылымдары академиясының корреспондент-мүшесі (1996).

«Ауылшаруашылық машиналарын автоматтандыра жобалаудың негіздері» монографиясының (1991), ауыл шаруашылығын механизациялау бойынша орысша-қазақша сөздіктің (1983), «Комбайншыныңсерігі» (1974), «Сабан мен топанды жинауды механизациялау» (1976) кітаптарының 80-нен астам ғылыми-әдістемелік мақалалардың авторы. Масақжинайтын машина (1973, 1974, 1979) мен жалшалап дестелегіш (1974) өнертабыстарына 4 авторлық куәлігі бар.

Қазақ және орыс тілдерін біледі.

1970 жылдан - Қазақ ауыл шаруашылығын механизации лау және электрлендіру ғылыми-зерттеу институтының кіші, аға ғылыми қызметкері. 1975 жылдан - Талдықорған педагогикалық институтының аға оқытушысы, кафедра меңгерушісі, доценті, профессоры, деканы.

1997 жылдан бері - Талдықорған политехникалық колледжінің директоры.

«Кәсіби оқу» мамандығы бойынша Республикалық оқу-әдістемелік бірлестігінің төрағасы.

«Қазақстан Конституциясына 10 жыл» (2005) медалімен, ҚР Білім және ғылым министрлігінің Құрмет грамотасымен (2000), Ы. Алтынсарин атындағы белгімен (2006) марапатталған. ҚР Президентінің Алғыс хатымен ескерілген (2005). ҚР Білім беру ісінің үздігі (1998). Педагог- зерттеуші (2006).

Әскери атағы - автомобиль әскерлерінің запастағы капитаны.

Діни көзқарасы - мұсылман.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Қазақстанның болашағына сенемін және Қазақстан бай мемлекет болады деп үміттенемін».

Хоббиі - «Мені мазалайтын тақырыптарға өлеңцер жаза- мын».

Сүйіп оқитын әдебиеті - тарихи және детективтік жанрлар.

Үйленген. Жұбайы - Шыныбаева Бақтыгүл Іңкәрбайқызы, зейнеткер. Ұлы - Шыныбаев Асқар (1973 жылы туған); қызы - Шыныбаева Әлия (1975 жылы туған).