Мұнайды жинақтау пункті

Мұнайды жинақтау пункті - мұнай ұңғымасы өнімін жинауға және кәсіпшілік өңдеуден өткізуге арналған арнаулы пункт. Мұнай мен газды тасымалдауға дайындауды, сондай-ақ мұнай мен газды сақтауды және қойнауқаттық судан тазартуды қамтамасыз етеді. Құрамына мұнайды айыру, сусыздандыру, тұзсыздандыру тазарту, газды құрғату, тазарту қондырғылары, қорқаймалық парктер, сорап станциялары, газкомпрессор станциялары, технологиялық құбыр желілерінің жүйесі, жарық беру жүйесі, энергиямен және сумен қамтамасыз ету нысандары кіреді. Айырудан соң, ақырғы рет газсыздандыру үшін соңғы айыру қондырғысына беріледі, мұнда мұнайдың қаныққан буының қысымы 66,7 кПа-қа дейін төмендетіледі, осыдан соң мұнай тауарлық қорқоймаларға немесе арналық мұнай құбырының бас ғимаратына қотарылады.