Мұнайды жылыту

Мұнайды жылыту - мұнайдың реологиялық қасиеттерін жақсарту, тұтқырлығын төмендету үшін жүргізіледі. Мұнай кәсіпшіліктерінде, мұнайды алыс тұтынушыларға тасымалдағанда мұнай өңдеу зауыттарында атқарылады. Мұнай кәсіпшіліктерінде ұңғымалар ернеуіне пеш орнатылады, мұнда мұнай 40-50°С температураға дейін жылытылады. Мұнай дайындау қондырғыларында өнімділігі 8-10 мың т/тәу пештер қолданылады, мұнда мұнайды 60-70°С дейін жылытады. Мұнай кәсіпшіліктерінде Мұнайды жылытуды оны деэмульсиялау түтікті пештерде 40-85°С дейін жылытады. Мұнайды жылыту мұнай эмульсияларының ажырау, бөліну процесін жылдамдатады. Мұнайды алыс тұтынушыларға арналы құбыр желілері арқылы тасымалдағанда Мұнайды жылыту әрбір 100-130 км сайын орнатылған арнаулы пештерде жүргізеді. [1]

Дереккөздер өңдеу

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1