Мұнай-газ-конденсат жатыны
Мұнай-газ-конденсат жатыны - газ-конденсат тақиясы бар мұнай жатыны. Біртұтас жатындар мұнайлы бөлік көлемінің газ көлемінен молдығымен және соңғысында көмірсутектердің бензиндік-керосиндік фракцияларының белгілі мөлшерінің кері (ретроградтық) булану күйінде болатындығымен айрықшаланады. Газды-конденсатты бөлігі қысым мен температураның қойнауқаттық жағдайларымен, конденсаттың тұрақты мөлшерімен, түрлі температуралардағы ең жоғарғы конденсациялану қысымымен, конденсат қайтару коэффициентімен қойнауқаттық газдың жене конденсаттың өзіндік құрамымен сипатталады. Жатынның мұнайлы бөлігі қанығу қысымымен, қойнауқаттық мұнайдың өзіндік қасиеттерімен, газдық факторымен т.б. ерекшеленеді. Жатынның газды бөлігіндегі тұрақты конденсат мөлшері ондаған г/м3-тан 100 г/м3-қа дейін, одан да жоғары деңгейге жетеді, ол қойнауқаттық қысым жоғарылаған сайын арта түседі.
Дереккөздер
өңдеу- Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|