Мұнай кәсіпшілігі
Мұнай кәсіпшілігі - кенорындағы мұнайды өндіруге және жинауға, сондай ақ ұңғыма өнімдерін өңдеуге және одан әрі тұтынушыларға тасымалдауға арналған технологиялық кешен. Ғимараттары мен жүйелері негізгі және қосалқы болып ажыратылады. Әуелгілеріне пайдалану, айдамалау, бақылау ұңғымалары, құбыр желілері, сорап және компрессор станциялары, мұнай мен суды дайындау қондырғылары, қорқайма парктері тағы басқа, екіншілеріне - энергиямен және сумен қамтамасыз ету, канализация мен байланыс, механикалық шеберханалар, тасымал торабы тағы басқа жатады. Мұнай ұңғымаларының саны кенорынның өлшемдеріне, оны пайдалану сұлбаларына байланысты. Ұңғыманың өнімі құбыр желісі арқылы топтық өлшеу қондырғысына түседі, мұнда келіп түскен мұнай мөлшері өлшенеді. Бұдан соң мұнай орталық жинақтау пунктіне немесе үстемелеуші сорап станциясына жөнелтіледі.
Дереккөздер
өңдеу- Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|