Мұнай қотару (айдау) станциясы

Мұнай қотару (айдау) станциясы - мұнай құбырының тартылымындағы ғимараттар мен құрылғылар жиынтығы. Мұнайды қабылдауға, жинақтауға, кейде жылытуға, үстемелеп айдауға арналған. Мұнай қабылдауға және сақтауға арналған көлемі 100-20000 м³-ге дейінгі болат қорқоймалар, мұнай қотаратын арналық сорап агрегаттары, түтікті жылыту пештері, тазарту қондырғыларының тазарту-жылжыту камералары, технологиялық құбырлар, сонымен бірге электр жабдықтары, автоматика, телемеханика, байланыс және радиоландыру, канализация, өрт сөндіру және басқа жабдықтары болады. Мұнай қотару станциялары мұнай құбырының бүкіл тартылымы бойында белгілі қашықтықтарда орнатылады, олар мұнай жылжуының қажетті жылдамдығын, мұнай құбырының белгілі уақыт ішіндегі өткізу мүмкіндігін (тәулік, ай, жыл бойына мың, миллион тонна) қамтамасыз етеді.