Мұрат Мұрзағалиұлы Ақмырзаев

Ақмырзаев Мұрат Мұрзағалиұлы (1952 жылы туған, Маңғыстау ауданы Жармыш ауылы) – педагог, байланыс маманы, өлкетанушы.

Мұрат Мұрзағалиұлы Ақмырзаев
Туған күні	1952 (1952)
Туған жері	Жармыш, Маңғыстау ауданын, Маңғышлақ облысы, Қазақ КСР, КСРО
Азаматтығы	КСРО →  Қазақстан
Ұлты	қазақ
Мансабы	жазушы педагог байланыс маманы өлкетанушы
Шығармашылық жылдары	2000 - қазіргі уақытқа шейін
Шығармалардың тілі	қазақша

Өмірбаяны

Гурьев (қазіргі Атырау) мемлекеттік педогогикалық институтын (1974), Атырау темір жол техникумын бітірген (1996).

1974 – 2000 жылдары нөмір үшінші Жетібай орта мектебі, Өтес мектебі, дарынды балаларға арналған мектеп-интернат, М.Әуезов атындағы орта мектеп, «Мейірбике» медициналық колледжінде мұғалім, оқу-тәрбие және ғылыми жұмыстар жөніндегі директордың орынбасары, облыстық мұғалімдер білімін жетілдіру институтында аға әдіскер болды.

2000 жылдан бастап Е.А. Бөкетов атындағы ҚарМУ-дың Ақтау бөлімшесінде аға оқытушы, кафедра меңгерушісі қызметтерін атқарып жүр.

Шығармашылығы

«Валеология курсына көрнекті көмекші құрал» (2000), «Валеология» (машықтану жұмыстарының жинағы) (2001), «Валеология» (дәрістер жинағы) (2003), «Экология және валеология» (2004), «Экология», «Адай уезінің жазба мұралары» (2006), «Валеологиялық мәдениет қалыптастыру терминологиясы» (2007) кітапшаларының авторы.