Мұрат Солтаншәріпұлы

Мұрат Солтаншәріпұлы (1949 жылы туған, ҚХР, Санжы облысы, ШУАР, Фукаң ауданы). Пекин өнеркәсіп университетін бітірген (1977). Шынжаң №3 механика зауытында инженер, оқу-ағарту баспасында, Қоғамдық ғылымдар академиясында редактор және зерттеуші болып істеген. 1984 — 1995 жылдары "Тіл және аударма" журналының бас редакторының орынбасары қызметін атқарған. 1995 жылдан ШУАР-дың атау-терминдерді арнаға түсіру комитетінде басқарма бастығының орынбасары болып істейді. Қытайдағы Түркі тілдерін зерттеу қоғамының, ШУАР аудармашылар қоғамының, Шуар баспагерлер қоғамының, Шынжаң қазақ тілі, мәдениеті ғылыми қоғамының төрағасы. Аударма, атау-терминдерді бір арнаға түсіру мәселелерімен айналысып жүр. 10-ға жуық кітап, 50 шақты ғылыми мақаланың авторы. "Қазақ тілі емле сөздігін" (Пекин) құрастырушының бірі.