Мұстафа Исмайылов

Мұстафа Исмайылов (1928 жылы туған, Сарыағаш ауданы Ақтөбе ауылы) – еңбек ардагері. Еңбек жолын 1944 жылы Сайрамдағы мал дәрігерлік училищесін бітірген соң осы ауданда мал дәрігері болып бастаған. 1953 – 83 жылдары Ғ.Мұратбаев атындағы ұжымшарда мақташылар бригадирі болып жұмыс істеді. Мақта шаруашылығындағы жетістіктері үшін «Құрмет белгісі» (1971), «Октябрь революциясы» (1975) ордендерімен марапатталған. 1975 жылы КСРО Халық шаруашылығы жетістіктері көрмесінің алтын медалін жеңіп алған. Қазақ КСР Мемлекеттік сыйлығының иегері (1976).