Мұхамеджанов Сыдық атындағы көше (Алматы)

Көшеге қоғам және мемлекет қайраткері, белгілі композитор, КСРО және Қазақ КСР Халық әртісі, Қазақстан Мемлекеттік сыйлығының иегері Сыдық Мұхамеджановтың (1924-1991) есімі (Алматы қаласы мәслихаты мен Алматы қаласы әкімшілігінің 30.07.2003 № 3/582 қаулысы)берілген. Ол Қазақ филармониясының директоры әрі жетекшісі, Абай атындағы Опера және балет театрының директоры қызметтерін атқарған. Ол - «Айсулу», «Жұмбақ қыз», «Ақан Сері - Ақтоқты» опералары мен «Ғасыр үні», «Шаттық отаны» симфонияларының авторы. Көше Медеу ауданында орналасқан. Нұрмаханов көшесі мен Тополев көшелерінің аралығында созылып жатыр. Исаев, Төлебаев көшелерін қиып өтеді. Бұрынғы атаулары: Софийская; Надеждинская; Тургенская көшелері. Көшенің ұзындығы - 1040 метр.