Мұхтар Сайынұлы Жайлыбаев

Мұхтар Сайынұлы Жайлыбаев (21 наурыз 1967 жыл) — «Марат Оспанов атындағы Батыс Қазақстан медицина университеті» КеАҚ «Стоматология», «Қоғамдық денсаулық сақтау», «Медицина профилактикалық ісі», «Мейірбике ісі» және «Фармация» факультеттері деканының орынбасары, медицина ғылымдарының кандидаты, доцент.

Мұхтар Сайынұлы Жайлыбаев
Мұхтар Жайлыбаев
Туған күні	21 наурыз 1967 (1967-03-21) (57 жас)
Туған жері	Ақтөбе облысы Ойыл ауданы Ойыл селосы
Азаматтығы	Қазақстан
Ғылыми аясы	Медицина
Жұмыс орны	Марат Оспанов атындағы Батыс Қазақстан медицина университеті
Ғылыми дәрежесі	Медицина ғылымдарының кандидаты
Ғылыми атағы	доцент/қауымдастырылған профессор
Альма-матер	Ақтөбе мемлекеттік медицина институты
Марапаттары	Қазақстан Республикасы Денсаулық сақтау министрлігі «Денсаулық сақтау ісіне қосқан үлесі үшін» төс белгісі

Туған жері

Мұхтар Сайынұлы Жайлыбаев Ақтөбе облысы, Ойыл ауданы, Ойыл селосында дүниеге келген. Әкесі Сайын Тұрдалыұлы Жайлыбаев Ақтөбе облысы, Ойыл ауданы, Қаракемер сегізжылдық мектебінің директоры, анасы Жайлыбаева Жанша Ербазиқызы сол елді мекенде фельдшерлік-акушерлік пунктінің қызметкері болған. 1984 жылы Н.К.Крупская атындағы Ойыл қазақ орта мектебін бітірді. 1984-1985 жылдар аралығында Ойыл совхозында «Арман-74» комсомол-жастар бригадасында жұмыс жасаған.

Білімі

1985 жылы Ақтөбе мемлекеттік медицина институты "Емдеу" факультетіне оқуға түсті, 1985-1987 жылдар аралығында Совет Армиясы қатарында Отан алдындағы борышын өтеді. 1993 жылы аталған оқы орнын «Емдеу ісі» мамандығы бойынша аяқтағаннан кейін сол оқу орнында интернатурада білімін жалғастырды.

Еңбек жолы

1994 жылдың ақпаннан 2007 жылға дейін «Қалыпты анатомия» кафедрасында ассистент болып жұмыс жасады. 2002 жылдың желтоқсаннан 2005 жылдың желтоқсанына дейін Қалыпты анатомия кафедрасының аспиранты болды. 2005 жылдан 2007 жыл аралығында Емдеу факультеті деканының орынбасары қызметінде атқарды. 2008 жылдан бастап «М. Оспанов атындағы БҚМУ» «Топографиялық анатомия мен оперативтік хирургия» курсына жауапты доцент қызметін атқарып келеді. 2011 жылдан бастап «Стоматология», «Қоғамдық денсаулық сақтау», «Медицина профилактикалық ісі», «Мейірбике ісі» және «Фармация» факультеттерінің декан орынбасары қызметін атқарып келеді. 2011 жылы ҚР БҒМ білім және ғылым саласын бақылау комитетінің шешімімен доцент дәрежесін алды.

Ғылыми еңбектері

Мұхтар Сайынұлы Жайлыбаев 2007 жылы «Адам миы жартышары шүйде бөлігінің медиальды беті қатпарлары құрылымының жеке өзгергіштігі және олардың ангиоархитектоникасының кейбір ерекшеліктері» тақырыбында 14.00.02 адам анатомиясы мамандығы бойынша кандидаттық диссертация қорғап, медицина ғылымдарының кандидаты ғылыми дәрежесіне ие болды. Ол 65-тен астам ғылыми мақалалардың авторы. Сонымен қатар 4 оқу құралы:

• «Қол буындарының клиникалық анатомиясының негізі», 2010-Ақтөбе 57 б.,
• «Адам миы жартышарларының жүлгелері мен қатпарларының құрылыс түрлері», 2011 - Ақтөбе  71 б.,
• «Жалпы медицина факультетінің хирург және акушер-гинеколог интерндерге арналған клиникалық анатомия және оперативтік хирургия пәні бойынша ситуациялық есептер», 2015-Ақтөбе  62 б.,
• «Орталық нерв жүйесі және оның өткізгіш жолдары», 2018-Ақтөбе 131 б.
• 1 монография - «Адам миы жартышары шүйде бөлігінің медиальды беті қатпарлары құрылымының жеке өзгергіштігі», 2010-Ақтөбе 100 б.;,

2 автордың өнер табыс авторлық куәлігі:

• «Белогі аз тамақтану жағдайында қан аздығын үлгілеу тәсілі» 23.07.2001;
• «Магниттік-резонансты томограмма мәліметі бойынша ішкі мүшелердің өмірлік анатомиясын және топографиясын сипаттауға арналған құрылғы және оны қолдану тәсілі» 09.06.2023.;

5 авторлық құқық объектісіне құқықтарды мемлекеттік тіркеу туралы куәліктер:

• «Адам миы жартышарларының жүлгелері мен қатпарларының құрылыс түрлері» №2199- 19.12.2014 ж.,
• «Адам миы жартышары шүйде бөлігінің медиальды беті қатпарлары құрылымының жеке өзгергіштігі» №2200 19.12.2014 ж.,
• «Қол буындарының клиникалық анатомиясының негізі» №2311 07.11.2016 ж.,
• «Роль клинической анатомии в комплексной подготовке специалистов-косметологов (обзор литературы)» №1631 28.05.2018 ж.,
• «Особенности преподавания вопросов клинической анатомии и оперативной хирургии областей груди и грудной клетки в подготовке врачей  хирургического профиля (обзор литературы)» №2197  02.07.2018 ж. бар.

Марапаттары

2010 жылы - Қазақстан Республикасының денсаулық сақтау министрлігінен «Мінсіз адал еңбегі мен азаматтардың денсаулығын сақтау ісіне қосқан жеке зор үлесі үшін» алғысы;

2010 жылы - Қазақстан Республикасы Білім және ғылым министрлігі Ұлттық тестілеу орталығынан «Сізге білім беру саласында сырттай бақылау жүйесін дамытуда қосқан үлесіңіз үшін» алғысы;

2014 жылы - Қазақстан Республикасы Денсаулық сақтау министрлігі Денсаулық сақтауды  дамыту Республикалық орталығы «Тестілік қорына мазмұндық және тестологиялық сараптама жүргізу іс-шарасына белсене қатысқаны үшін» алғысы;

2017 жылы - Республикалық денсаулық сақтауды дамыту орталығының «За содействие и активное участие в проведении хронометражного исследования нагрузки врачей амбулаторно-поликлинических организаций» алғысы;

2020 жылғы 25 қараша - Қазақстан Республикасы Денсаулық сақтау министрлігі «Денсаулық сақтау ісіне қосқан үлесі үшін» төс белгісі;

"Денсаулық сақтау ісіне қосқан үлесі үшін" медалі

2022 жылы - И.К.Ахунбаев атындағы Қырғыз мемлекеттік медицина академиясының «За участие в Международной студенческой олимпиаде по нормальной и топографической анатомии» алғысы;

2023 жылы - «Марат Оспанов атындағы Батыс Қазақстан медицина университеті» КеАҚ «Көп жылғы еңбегі және ғылым жүйесін дамытуға қосқан үлесі мен жеткен жетістіктері үшін» алғысы;

2024 жылы - Ақтөбе облысы денсаулық сақтау басқармасының «Денсаулық сақтау саласының дамуына қосқан ерен еңбегіңізбен елеулі істеріңіз үшін» алғысы.

Отбасылық жағдайы

Отбасылы. Әйелі, 1 ұлы бар.