Мәдина Қуандықызы Басбаева

Мәдина Қуандықызы Басбаева (15 қаңтар 1985 жыл; Алматы) — қазақстандық балет әртісі, қазіргі қазақстандық балеттің ең көрнекті өкілдерінің бірі. Қазақстан Республикасының Еңбек сіңірген қайраткері. Қазақстан Республикасы Тұңғыш Президенті Қорының мәдениет және өнер саласындағы лауреаты (2017). «Үздік балет әртісі» (2018) номинациясы бойынша «Сахнагер-2018» Ұлттық театр сыйлығының лауреаты.

Мәдина Қуандықызы Басбаева
Туған күні	15 қаңтар 1985 (1985-01-15) (39 жас)
Туған жері	Алматы
Азаматтығы	Қазақстан
Ұлты	Қазақ
Қызметі	балет әртісі

Өмірбаяны

Мәдина Қуандықызы Басбаева 15 қаңтар 1985 жылы Алматы қаласында дүниеге келген. 2003 жылы А.В.Селезнев атындағы Алматы хореографиялық училищесін бітірді. 2003-2013 жж. – К. Бәйсейітов атындағы Ұлттық опера және балет театрының жетекші балет солисі (Астана). 2013 жылы қазіргі уақытқа дейін — «Astana Opera» Қазақ мемлекттік опера және балет театрының балет труппасының басшысы және жетекші солисі. Ұлттық Бордо операсының шақырылған солисі (Франция). Беларусь Республикасының Үлкен опера және балет театрының шақырылған солисі (Беларусь).

Оқытушы-репетиторлары — ҚР еңбегі сіңірген қайраткер, профессор Бөрібаева Ғалия Ысмайылқызы және Қазақстан Республикасының Мемлекеттік сыйлығының лауреаты, Халық әртісі, профессор Асылмұратова Алтынай Абдуахимқызы.

Мәдина Қуандықызы Басбаева Қазақстан Республикасының Президенті жанындағы Әйелдер істері және отбасы-демографиялық саясат жөніндегі Ұлттық Комиссиясының мүшесі (2006 жылдан бері).

Репертуарлары

• Балеттік партиялары
• Мария (Б. Асафьев, «Бахчисарайский фонтан»)
• Одетта-Одиллия (П. Чайковский, «Лебединое озеро»)
• Мари (П. Чайковский, «Щелкунчик»)
• Никия (Л. Минкус, «Баядерка»)
• Китри (Л. Минкус, «Дон Кихот»)
• Аврора (П. Чайковский, «Спящая красавица»)
• Джульетта (С. Прокофьев, «Ромео и Джульетта»)
• Фригия (А. Хачатурян, «Спартак»)
• Сванильда (Л.Делиб, «Копеллия»)
• Эсмеральда (Ц. Пуни, «Эсмеральда»)
• Жизель ( А.Адан , «Жизель»)
• Медора ( А.Адан , «Корсар»)
• Сильфида (Х.Левенсхольд, «Сильфида»)
• Лиза ( П.Гертель , «Тщетная предосторожность»)
• Мазурка (Ф.Шопен, «Шопениана»)
• Эсмеральда ( М.Жарр , «Собор Парижской Богоматери»)
• Манон (Г.Массне, « Манон ») және т.б.

Жетістіктері

1. 2006 жыл, 2009 жыл — «Шабыт» шығармашыл жастар Халықаралық фестивалінің I дәрежелі премиясының лауреаты (Астана)
2. 2006 жыл — «Байтерек» балет әртісінің Халықаралық конкурсының III дәрежелі премиясының лауреаты (Астана)
3. 2007 жыл — «Премия Рима» балет әртістерінің Халықаралық конкурсының ІІ дәрежелі премиясының лауреаты (Италия)
4. 2009 жыл — «Байтерек» Балет әртістерінің Халықаралық конкурсының Гран-при иегері (Астана)

Мемлекеттік сыйлықтары

• Қазақстан Республикасы Президентінің жарлығымен қазақ балет өнерін шетелде насихаттау ісіне қосқан үлкен үлесі және орындаушылық шеберлік оған«Қазақстанның еңбек сіңірген қайраткері» құрмет атағы берілді.
• 2012 — Қазақстан Республикасының мәдениет саласындағы мемлекеттік стипендияның иегері.
• 2017 - «Хореографиялық өнер» номинациясы бойынша Қазақстан Республикасы Тұңғыш Президенті - (Ұлт көшбасшысы) Елбасы жүлде қорының лауреаты
• 2018 — «Сахнагер-2018» Ұлттық театр сыйлығының «Үздік балет әртісі» номинациясының лауреаты
• 2018 — Қазақстан Республикасы Президентінің 2018 жылғы 5 желтоқсандағы жарлығымен қазақ хореографиялық өнерін дамытудағы зор қызметі үшін «Құрмет» орденімен марапатталды.