Мәлике Бұрханқызы Шамова

Мәлике Бұрханқызы Шамова (27.3.1903, қазіргі Батыс Қазақстан облысы Орал қаласы) - 30.1.1982, Алматы) - актриса, Қазақстанның еңбегі сіңген артисі (1934). 1917 жылы Орал қаласындағы татар труппасында өнер көрсеткен. 1921 -1922 жылдары Гурьевтің (қазіргі Атырау) қалалық мәдени-ағарту бөлімінде нұсқаушы болып, 1922 - 1926 жылдары Орал және Семей драма театрларында қызмет етті. Ол 1928 - 1954 жылдары қазіргі Қазақ академиялық драма театрының құрамында актриса болды. Ол Зәуре (Қ.Байсейітовтің осы аттас драмасында), Жүзтайлақ, Назым (М.Әуезовтің "Түнгі сарыны" мен "Сын сағатында"), Зейнеп (Әуезов пен Л.С. Соболевтің "Абайында"), Анна Андреевна(Н.В. Гогольдін " Ревизорында"), Соня, Елизавета Никитична (Н.Ф. Погодиннің "Ақсүйектері" мен "Мылтықты адамында"), Эмилия (У.Шекспирдің "Отеллосында"), т.б. әр алуан сахналық мінез-кейіптер жасады. "Құрмет белгісі" орденімен марапатталған.