Мәскеу мемлекеттік медицина және стоматология университеті
А. И. Евдокимов атындағы Мәскеу мемлекеттік медицина және стоматология университеті - Ресейдегі стоматолог-дәрігерлерді дайындауда басты рөл атқаратын, әрі "Емдеу ісі" мамандығын дайындауда айтарлықтай орын алатын жоғарғы оқу орны. Университет тарихы XIX ғасырда пайда болған тіс емдеу дәрігерлерін дайындау мектебінен басталады.
| Мәскеу мемлекеттік медицина және стоматология университеті | |
 |
|
| Ұраны: | |
|---|---|
| Hinc sanitas | |
| Университет атауы | |
| Бұрынғы атауы | Мәскеу медициналық стоматологиялық институты |
| Жалпы сипаттамасы | |
| Құрылған жылы | 1922 жыл, 2-сәуір |
| Орналасуы | |
| Орналасқан жері | Мәскеу, Ресей |
| Әкімшілік | |
| Ректоры | О. О. Янушевич |
| Негізгі көрсеткіштер | |
| Сайты | http://www.msmsu.ru |
өңдеу  |
|
Тарихы
өңдеу- 1922 жылдың 2-сәуірінде Мемлекеттік Тіс емдеу институты ашылды (МТЕИ).
- 1927 жылы МТЕИ атауы Мемлекеттік Стоматология және одонтология институты болып өзгертілді. МСОИ стоматологтардың диплом алдындағы дайындығын өткізіп, қарапайым халыққа стоматологиялық көмек беру, ғылыми проблемаларды шешумен айналысатын еді.
- 1932 жылы МСОИ атауы Мемлекеттік Стоматология және одонтология ғылыми зерттеу институты болып өзгертілді. МСОҒЗИ-да жаңа бөлімшелер: патофизиология, морфология, хирургия, әлеуметтік стоматология бөлімі және болатты протездер жасау бөлімшелері ашылды.
- 1935 жылы МСОҒЗИ негізінде Мәскеу Стоматология институты ашылды.
- 1939 жылы МСОҒЗИ мен Мәскеу Стоматология институты біріктіріліп, Мәскеу мемлекеттік Стоматолгия институты құрылды.
- 1949 жылы ММСИ Мәскеу Мединцина және стоматология институты болып қайта құрылды.
- 1968 жылы "Емдеу ісі" факультеті ашылды.
- 1974 жылы Мәскеу Мединцина және стоматология институтына Н.А.Семашконың аты берілді.
- 1995 жылы дипломнан кейінгі білім беру факультеті ашылады.
- 1998 жылы орта медициналық білім беретін факультет ашылады, онда "Тіс технигі" мамандығы даярланады.
- 1999 жылы институт университет мәртебесіне ие болып, Мәскеу мемлекеттік Медицина және стоматология университеті деп аталатын болды.
- 2001 жылы клиникалық психология факультеті жұмысын бастады.
- 2004 жылы экономика факультеті ашылды, факультетте "Экономика және денсаулық сақтау мекемесіндегі билік" мамандығы бойынша мамандар даярланады.
- 2011 жылдан бастап университет әлеуметтік қызметкерлерді оқытуды да бастады.
- 2012 жылы МММСУ-ға 90 жыл толды.