Мәслихат депутаты

Мәслихат депутаты (ағылш. deputy of Maslikhat; нем. Deputierter des Maslichats; лат. deputatus — посланный) - Жергілікті мемлекеттік басқару органына тұрғындар сайлаған өкіл; оған жасы жиырмаға толған Қазақстан Республикасының азаматы сайлана алады.

Мәслихат депутатының өкілеттігі оны сайлаған күннен басталып, жаңа шақырудағы мәслихат депутатын сайлаған күні, не екілеттігін мерзімінен бұрын тоқтатқан жағдайларда аяқталады.

Мәслихат депутаты тұрғындармен байланыс жасап тұрады, оларды мәслихат жұмысы, жоспарлардың, аумақтың әлеуметтік, экономикалық даму бағдарламаларының орындалуы туралы тұрақты хабарландырып отырады, мәслихат шешімдерінің орындалуын бақылау мен ұйымдастыруға қатысып, қоғамдық пікірді, тұрғындардың сұранысы мен мұқтаждықтарын зерттеп, мәслихатка ұсыныстар енгізеді.