Нагината

Нагината (なぎなた, 薙刀) — жапондық аса ұзын семсер. Оның ерекшелігі — сабының өткір жүзінен біршама үлкенірек болуында.

Нагинатасы бар самурай, 1867

Қарудың бұл түрі жайындағы алғашқы деректер VII ғасырға жатқызылады. Бастапқыда нагинатаның бір жақтан қайралған жүзі 60—120 сантиметрге, ал сабы 1,2—1,5 метрге жеткен. Уақыт өте жүзінің ұзындығы қысқарып, сабы керісінше ұзартыла бастады. Нагинатаның классикалық қалпы Эдо кезеңінде (XVII—XIX ғғ.) қалыптасты: жүзінің ұзындығы 30—70 сантиметр, ал сабы 180 сантиметрдің шамасында болды.

Нагинатаның сабы көбінесе еменнен жасалынатын және лакпен қапталынатын, жүздері сәл қисайтылған болатын. Кейде жүздің есебінде өңдеуден өткен катаналар да пайдаланылатын.

Нагинатамен шайқасу өнері нагинатадзюцу деп аталады.