Назира Төлеубайқызы Аптеева

Назира Төлеубайқызы Аптеева - театр артисті. Ол 1997 жылы облыстық қыздар гимназиясын бітіріп, Мұқан Төлебаев атындағы Семей саз колледжінің «Сөз сөйлеу жанры» мамандығы бойынша профессорлар Д.Тұранқұлқызы, М.Омарбаевалардан дәріс алды. 2001 жылы МұқанТөлебаев атындағы саз колледжін «Театр өнері» бөлімін қызыл дипломмен бітіріп «Дариға-ай» жастар театрына актриса болып қабылданды. 2003 жылы Республикалық Оралхан Бөкей атындағы көркемсөз шеберлері байқауының лауреаты атанды. 2014 жылы Халықаралық театр күні қарсаңында «Ең үздік әйел ролі» номинациясы бойынша Облыстық мәдениет басқармасының дипломымен марапатталды. Назира Төлеубайқызы Қазақстан Театр қайраткерлері Одағының мүшесі болып келеді.
Сахнада ойнаған негізгі рольдері:

• Д.Исабеков «Әпке» - Назилә
  
• М.Шаханов «Танакөз» - Зерегүлдің шешесі
  
• М.Хасенов «Пай, пай, жас жұбайлар-ай» - Бану
  
• Г.Горин «Ұмытыңдар Геростратты» - Эрита
  
• Д.Исабеков «Есепшот, домино және түйетауық» - Қаршыға
  
• Р.Куни «№99» - қонақүй қызметшісі
  
• Шыңғыс Айтматов «Ақ кеме» - Бұғы ана
  
• Уильям Шекспир «Ромео және Джульетта» - Леди Капулетти
  
• Р.Киплинг «Маугли» - қасқыр
  
• М.Рахимжанов «Әміре – аяқталмаған ән» - коммунист