Накадзима әуе көлік жасап шығарушы компаниясы

Накадзима әуе көлік жасап шығарушы компаниясы (жапон. 中島飛行機株式会社 / Nakajima Hikoki Kabushiki Kaisha) — Екінші дүниежүзілік соғыс кезінде ұшу аппараттарын жасап шығарумен айналысқан жапондық компания.

Жапонияның ең алғашқы ұшақ жасап шығарушысы, оның негізін 1917 жылы Тикуэй Накадзима қалаған. 1931 жылы аты «Накадзима әуе көліктері компаниясы» болып өзгертілді. Жапония соғыста жеңілгеннен кейін компания қазіргі кезде Фудзи Раббит мотоциклдері мен Субару автокөліктерін шығаратын Фудзи компаниясы болып қайта құрылды.

Накадзима әуе көліктері компаниясының өндіріс орындары төмендегі кәсіпорындардан тұратын:

Токио зауыты
Мусашино зауыты
Донрю зауыты
Ота зауыты (Ота бекетінің маңында орналасқан). 1934 жылғы қарашаның 16-сында жапон императоры Хирохито сол зауытта болып қайтты. 1945 жылғы ақпанның 10-ында америкалық әуе күштерінің бомбылық соққысының нәтижесінде қатты қирап істен шықты.
Коидзуми зауыты, (Ниши-Коидзуми бекетінің маңында орналасқан). 1945 жылғы сәуірдің 3-інде америкалық әуе күштерінің бомбылық соққысының нәтижесінде қатты қирап істен шықты. Қазіргі таңда Саньо компаниясына қарасты зауыт.

Накадзима компаниясы шығарған әуе көліктері

Поршеньді қозғалтқыштылары

Накадзима A2N 九〇式艦上戦闘機 — 1930 жылғы жойғыш ұшақ
Накадзима Type 91 — 1931 жылғы моноплан жойғыш ұшақ
Накадзима A4N 九五式艦上戦闘機 — 1935 жылғы жойғыш ұшақ
Накадзима E8N 九五式水上偵察機 — 1935 жылғы теңізде барлау ұшағы
Накадзима AT-2 九七式輸送機 — 1936 жылғы жолаушы ұшағы
Накадзима Ki-27 九七式戦闘機 — 1936 жылғы жойғыш ұшақ
Накадзима Ki-34 九七式輸送機 — 1937 жылғы әскери тасымалдаушы ұшақ
Накадзима B5N 九七式艦攻 — 1937 жылғы торпедолық бомбылаушы
Накадзима Ki-43 隼 Хаябуса («Лашын») — 1939 жылғы жойғыш ұшақ
Накадзима Ki-44 鍾馗 Шоки («Шайтан жойғыш») — 1940 жылғы жойғыш ұшақ
Накадзима Ki-62 — 1941 жылғы жойғыш ұшақтың тәжірибе үлгісі
Накадзима A6M2-N 二式水戦 Нишики суйсен — 1941 жылғы Митсубиши A6M Зероның суға қона алатын түрі
Накадзима G5N 深山 Шинзан («Тау қойнауы») — 1941 жылғы төрт қозғалтқышты ұзық қашықтықты бомбылаушы
Накадзима Ki-49 呑龍 Донрю («Дауыл айдаһары») — 1941 жылғы орташа бомбылаушы
Накадзима J1N 月光 Гекко («Ай шуағы») — 1941 жылғы құрлықта орналасатын түнгі жойғыш ұшақ
Накадзима Ki-84 疾風 Хаяте («Дауыл») — 1943 жылғы жойғыш ұшақ
Накадзима B6N 天山 Тензан («Аспан тауы») — торпедолық бомбылаушы
Накадзима J5N 天雷 Тенрай ( «Аспан жасылы») — 1944 жылғы бір орынды қос қозғалтқышты ұстаушы
Накадзима C6N 彩雲 Сайун («Түсті бұлт») — 1943 жылғы барлаушы ұшақ
Накадзима Ki-87 航空機 — 1945 жылғы жоғары биіктікті ұстаушы
Накадзима G8N 連山 Рензан («Тау жотасы») — 1945 жылғы ауыр төрт қозғалтқышты ұзақ қашықтықты бомбылаушы
Накадзима Ki-115 剣 Цуруги («Семсер») — 1945 жылғы арнайы мақсатты ұшақ (камикадзелерге арналған)
Накадзима G10N 富嶽 Фугаку («Фудзи тауы») — 1945 жылға жобаланған алты қозғалтқышты ұзақ қашықтыққа арналған бомбылаушы

Реактивті қозғалтқышты жобалар

Накадзима J9Y Кикка 橘花 Кикка («Апельсин гүлі») — 1945 жылғы реактивті ұшақ, екі моделі жасалды
Накадзима Ki-201 火龍 Карю («Отты айдаһар») — 1945 жылғы реактивті ұшақ, немістің Мессершмидт Me 262-сіне өте ұқсас, жобасы ғана жасалды

Тағы қараңыз

Накадзима шығарған барлық ұшақ түрлерінің тізімі (Жапонша)

Сыртқы сілтемелер

Nakajima hikouki no omoide Мұрағатталған 28 қаңтардың 2008 жылы. (Жапонша)
Екінші дүниежүзілік соғыс кезіндегі Накадзима ұшақтары (ағылш.)