Нарын таңы

«Нарын таңы» — Атырау облысы, Исатай аудандық газеті. Алғашқы саны «Малшылар үні» деген атпен 1953 ж. 18 ақпанда жарық көрді. Новобогат (Исатай) ауданының осы кезең ішінде таратылып, қайта құрылуына байланысты газет те бірнеше рет жұмысын тоқтатты. 1991 жылдың 1 қаңтарынан тұрақты шыға бастаған «Нарын таңы» газеті аудан мұнайшыларының, Нарын құмы малшыларының, Теңіз жағалауын мекен еткен еңбеккер қауымның тыныс-тіршілігін кеңінен көрсетеді, жұртшылықты аудан алдындағы саяси-шаруашылық міндеттерді орындауға үндейді. Газет мәдени, рухани өмірге, халықтық салт-дәстүрлерді дәріптеуге ден қояды. Алғашқы жылдарда газетке Т. Сатқанбаев, М. Шәріпов, кейінірек Қ. Батыров басшы болды. Бас редакторы Аслан Мұратов. Таралымы 1000 дана (2000 ж.).

Нарын таңы
Narın tañı
Иесі	«Атырау-Ақпарат» ЖШС
Бас редакторы	Аслан Мұратов
Құрылған жылы	1953
Тілі	қазақша
Бас кеңсесі	Аққыстау ауылы, Егемен Қазақстан көшесі, 12-үй.
https://naryntany.kz/

Құрылтайшылары — аудандық әкімшілік, аудандық мәслихат және редакция ұжымы. Аптасына 1 рет шығады.