Насыбайшы

Насыбайшы - күлдіргі халық биі. Халық күйі "Сылқылдақтың" сүйемелімен орындалады. Музыка өлш. 2/4. Ырғағы орташа екпінді. Би насыбайшының мінез-қүлықтарын (шақшасын жоғалтуы, іздеуі, тауып алуы, насыбай атып меңзең болуы) бейнелейді. "Насыбайшыда" аяқ қол, мойын қимылынан иық қимылы басым және дене, буын қимылдары да молынан қолданады. "Насыбайшы" биін халық бишісі Ы.Быжыбаев 1936 ж. Мәскеу қаласында өткен халық билерінің Бүкілодақтық слетінде (Үлкен театр сахнасында) орындады.