Нафтенді мұнайлар

Нафтенді мұнайлар. Құрамындағы жетекші құрамбөлік рөлін нафтенді көмірсутектер атқаратын мұнай түрлері. Бұл мұнайлар, өздерінің жаралу тегінен туындайтын бір топ ерекшеліктермен сипатталады, олардың ең бастысы — құрамындағы хошиісті көмірсутектердің, қатты парафиннің, шайыртасты-шайырлы заттардың аздығы (шайыртастақтар кейде мүлдем болмайды). Нафтенді мұнайлар, өзге мұнай түрлерімен салыстырғанда, сирек ұшырасады, бұл олардың қалыптасу жағдайларының айырықшалығымен түсіндіріледі.