Нағымбек Жемал-Әд-Динұлы Нұрмұхамедов



Нағымбек Жемал-Әд-Динұлы Нұрмұхамедов (06.11.1924, Павлодар облысы Баянауыл ауданы-17.12.1986, Алматы) – кескіндемеші, өнертану ғылым кандидаты (1961), Қазақ КСР-інің халық суретшісі (1974).

Нағымбек Жемал-Әд-Динұлы Нұрмұхамедов
Дүниеге келгені: 06.11.1924
қазіргі Павлодар облысы Баянауыл ауданы
Қайтыс болғаны: 17.12.1986
Алматы
Мансабы: кескіндемеші

1940 – 1942 жылдары Алматы театр-көркемсурет училищесінде, 1947 – 1953 жылдары Санкт-Петербург кескіндеме, мүсін және архитектура институтында оқыған. 1961 жылы КСРО Көркемсурет академиясы жанындағы аспирантураны А.М. Герасимовтың шеберханасы бойынша бітірді.

Қондырғылы кескіндеменің әр түрлі жанрында жұмыс істеп, сюжетті картина саласында жемісті еңбек етті. “Кеңес Одағы Әскери Теңіз-флотының адмиралы И.С. Исаков” (1964 – 1965), “Бес қаруың сай болсын” (1965), “Кеңес Одағының Батыры М.Ғабдуллин” (1969) портреттерін салды.

Франция, Бразилия, Жапония елдеріне сапар шегіп, нәтижесінде бірнеше суреттер топтамаларын жасады. Нұрмұхамедов еңбектері Канада, Бельгия, Югославия, Финляндия көрмелерінде қойылды.

Қазақстанның бейнелеу өнері жөнінде кітаптар мен альбомдар шығарды.

“Еңбек даңқы ерлері” топтамасы үшін Қазақстан Мемлекеттік сыйлығын алған (1978), “Құрмет белгісі” (1959, 1971), 2-дәрежелі Отан соғысы (1985) ордендерімен және медальдармен марапатталған.[1][2]

Шығармашылығы өңдеу

  • Научись рисовать, А., 1962
  • Искусство Казахстана. Альбом, М., 1970
  • Мавзолей Хаджи Ахмеда Ясави. Альбом, А. 1980
 
Н.Нұрмұхамедов. Париж. Лувр жағынан қарағандағы көрініс 1961ж

Дереккөздер өңдеу

  1. Рыбакова И.А., Нагим-Бек Нұрмұхамедов, М., 1979
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8