Нейтрондық гамма-каротаж (НГК)

Нейтрондық гамма-каротаж (НГК) - таужыныстарды жылдам нейтрондардың сәулесімен шарпуға және таужыныстағы жылу нейтронын қармаған кезде пайда болатын гамма сәулеленуін тіркеуге негізделген ұңгыма зерттеу әдісі. Интегралдық түрленген НГК шегенделген және шегенделмеген ұңгымалар қимасындагы жинауыштардың мұнайға, газға қанығу дәрежесін анықтау және бағалау үшін кеңінен қолданылады. Бұл каротаж мәліметтерінің сандық көрсеткіштері таужыныстағы сутек және көміртек атомдары ядроларының мөлшеріне айтарлықтай байланысты болады. Импульстік НГК мұнайға және минералданған суға қаныққан қойнауқаттарды бөлу үшін қолданылады.