Николае Йорга

Иорга, (Jorga) Николае (18. 06. 1871 — 20. 11. 1940) — румынның саяси қайраткері, тарихшы, әдебиет зерттеушісі. Яссы, Париж, Берлин және Лейпциг университеттерінде оқыды. 1894 жылдан Бухарест университетінің профессоры, 1910 жылдан Румын ғылым академиясының мүшесі, 1906 жылы реакцияшыл Ұлттық-демокр. партияның негізін қалаушылардың бірі болды. 1918—1920 жылдары Ұлттық жиналыстың председателі, 1931—1932 жылдары премьер–министр және ағарту министрі. «Темір гвардия» фашистерінің қолынан қаза тапты.