Николай Михайлович Лукин

Николай Михайлович Лукин (1885 жыл 8 шілде - 1940 жыл 19 шілде) - кеңес тарихшысы, КСРО ғылым академиясының акдемигі (1929). 1904 жылдан Коммунистік партия мүшесі.

Еңбек жолы

1909 жылы Мәскеу университетін бітірген. 1913 жылы большевиктік «Наш путь» газетін ұйымдастыруға қатысты. Мәскеу университетінде, Бас штаб академиясында, Қызыл профессура институтында сабақ берді. Ол «Тарихшы-марксистер қоғамының» (1929) негізін қалаушылардың бірі. 1932 - 1936 жылдары Коммунистік академияның, 1936 - 1938 жылдары КСРО ғылым академиясының Тарих институтының директоры. Негізгі еңбектері Ұлы француз революциясы мен Париж Коммунасы тарихына арналған.