Нортгемптондық келісімсөз

1328 жылғы Нортгемптондық келісімсөз — Шотландия мен Англия арасындағы Шотландия Тәуелсіздігі үшін соғыстың алғашқы кезеңін аяқтаған бейбітшілік шарты.

Ағылшын королі Эдуард II-нің тақтан кеткеннен кейін, Роберт Брюс Англияға қарсы соғыс әрекетін бастады: 1327 жылы шотланд әскері Ольстерге түсіп, Норгемді басып алып, Нортумберлендке басып кірді. Сонымен бірге, 1326 жылы Англияға қарсы одақта жасалған Корбей шартының негізінде франко-шотландық ынтымақтастығы нығайды. Англияның регенттері, Изабелла мен Роджер Мортимер Эдуард III патшаның кәмелет жасына толмаған шақта, әскер жинап, шотландықтарға бет бұруға мәжбүр болды. Алайда жас Эдуард III мен Роджер Мортимер бастаған ағылшындық әскердің жорығы толығымен сәтсіздікке ұшырады. Англия бейбітшілік келіссөздерін жүргізуге мәжбүр болды.

Англия мен Шотландия арасындағы 1328 жылы ағылшын парламентімен Нортгемптонда және шотландық парламентімен Эдинбургта бекітілген шартқа сәйкес, Англия Шотландияның тәуелсіздігін мойындады және ағылшын королі Шотландия тағына талаптарынан бас тартты. Роберт Брюс ресми түрде Шотландия королі деп мойындалды. Эдуард III-нің қарындасы Джоанна Роберт Брюстің ұлы Дәуітке тұрмысқа шығу керек болды. Шотланд патшалығы соғысқа дейінгі шекараларға қайта оралды (Берик пен Мэн аралын қоса).

1330 жылы Эдуард III Нортгемптондық келісімсөзге қол қойған сәтте ол кәмелетке толмағанына сілтеме жасап, күшін жойды.