Нотариустың құқықтары мен міндеттері

Нотариустың:

• өзіне өтініш жасаған жеке және заңды тұлғалардың мүдделеріне орай Қазақстан Республикасының заңнамалық актілерінде көзделген нотариалдық қызметті атқаруға;
• мәмілелердің, арыздардың және өзге де құжаттардың жобаларын жасауға;
• құжаттардың көшірмелері мен олардан үзінділер әзірлеуге;
• нотариалдық қызмет көрсету мәселелері бойынша кеңестер беруге;
• жеке және заңды тұлғалардан нотариалдық қызмет көрсетуіне қажетті құжаттар мен мәліметтерді талап етуге;
• оқытушылық және шығармашылық қызметпен айналысуға, соның ішінде жалдану шарты бойынша;
• техникалық сипаттағы өзге де ақылы қызметтер көрсетуге құқығы бар.

Нотариустың міндеттері:

• нотариат қызметін реттейтін заңдар мен өзге де нормативтік құқықтык актілердің талаптарына сәйкес нотариалдық қызмет көрсету;
• азаматтар мен заңды тұлғаларға құқықтары мен міндеттерін түсіндіру, жасалатын нотариалдық іс әрекеттердің зардаптарынан сақтандыру;
• заңнамаға сәйкес келмейтін жағдайда нотариалдық қызмет көрсетуден бас тарту;
• кәсіптік этиканы сақтау;
• өз іс-әрекетіне жасалған шағымдар бойынша әділет органдары мен нотариалдық палатаға жасалған нотариалдық іс-әрекеттер туралы мәліметтер беру, ал қажет болған жағдайда — жеке түсініктеме, соның ішінде, кәсіби әдептерін сақтамағандығы туралы түсініктеме беру.