Нысананы көрсету

Нысананы көрсету (целеуказание) — нысананың орналасқан орнын қысқаша, айқын, түсінікті етіп көрсету. Ол тікелей жергілікті жерде, снарядтарды (миналарды) жару, із калдырушы оқ (снаряд), жарықтандырғыш авиациялық бомба немесе артиллериялық снарядтар және т.б. арқылы құралды нысанаға бағыттаумен іске асады. Топографиялық карта бойынша (аэросурет, сызбалармен) тік бұрышты координаттармен, шартты бағдарлардан, негізгі бағдарлардан берілсе, карта квадраттары бойынша нысананың ауданы көрсетіледі.