Нұргүл Қарағойшина

Нұргүл Ерболатқызы Қарағойшина (5 наурыз 1979, Батыс Қазақстан облысы, Қазақстан, — белгілі журналист, тележүргізуші, редактор және «Тіл» республикалық ақпараттық-сараптамалық журналының бас редакторы.

Нұргүл Ерболатқызы Қарағойшина
Нұргүл Қарағойшина
Туған күні
Азаматтығы	Қазақстан
Ұлты	қазақ
Қызметі	«Тіл» журналының Бас редакторы, журналист, продюсер, тележүргізуші
Әкесі	Ерболат Қарағойшин
Жұбайы	Алтынбек Қамбарұлы Әбішев
Балалары	Әбіш Нұрбану, Әбіш Нұрғайша, Әбіш Інжу, Әбіш Жүсіпбек, Әбіш Қасымхан

Өмірбаяны

1996 жылы Орал қаласындағы №11 С.Сейфуллин атындағы мектеп –лицейін бітірді. 1996 жылы қазақ тілі мен әдебиеті пәні бойынша республикалық олимпиаданың жүлдегері. Сол жылы Қазақстан Республикасының Президенті Н. Назарбаевтың қатысуымен тұңғыш рет өткізілген дарынды оқушылармен болған кездесуіне қатысты. 1996 жылы әл-Фараби атындағы Қазақ мемлекеттік ұлттық университетінің журналистика факультетіне емтихансыз қабылданып, 2000 жылы журналистика мамандығы бойынша үздік диплом алды. 2000-2002 ж.ж. әл-Фараби атындағы Қазақ мемлекеттік ұлттық университеті журналистика факультетінің магистратурасын үздік дипломмен бітірді. 1998-2000 ж.ж. журналистика факультетінің кәсіподақ ұйымының төрайымы қызметін атқарды. 1999-2001 ж.ж. университетінің ректоратында әлеуметтік бөлімінің іс қағаздарын жүргізушісі, мерекелік шараларының ұйымдастырушысы қызметін атқарды. 2001 жылы Астана теларнасында «Жақыныңа жәрдемдес» бағдарламасының аясында 5 жыл бойы тұрақты түрде әлеуметтік жағынан көмекке мұқтаж отбасыларға демеуші табу арқылы материалдық көмек ұйымдастыру жұмыстарын атқарып келді. Осы жұмыстарым үшін «Шабыт» халықаралық жастар фестивалінің лауреаты атанып, арнайы медальмен марапатталды. 2003 жылы Астана телеарнасында «Салауатты өмір салтын насихаттауда үздік бағдарлама жүргізушісі» құрмет грамотасымен марапатталды. 2008 жылдан бастап «Тіл» республикалық ақпараттық-сараптамалық журналының бас редакторы, 2009 жылдан бастап «Тіл жанашыры» құрмет белгісімен марапаттау рәсімінің ұйымдастырушысы. 2010 жылдан бастап«Тіл жанашыры» қоғамдық бірлестігінің жауапты хатшысы. 2012 жылдан бастап «Тіл» журналының редакциялық кеңесінің төрайымы қызметін атқарып келеді. 2012-2013ж.ж. Ш. Шаяхметов атындағы Тілдерді дамытудың республикалық үйлестіру-әдістемелік орталығының директорының қызметін атқарды

Марапаттары

ҚР Мәдениет және ақпарат министрлігінің «Ұрымтал сөз» сыйлығының иегері.
«Шабыт» халықаралық жастар фестивалінің лауреаты
«Қазақстан тәуелсіздігіне 20 жыл» медалімен марапатталды

Елбасы Нұрсұлтан Әбішұлы Назарбаевтың «Тіл» журналына жазған хаты

Кино және теледидар

Фильмография

1. 2013 — «Ғашықтың тілі» — продюсер

Телебағдарламалар

• 1996 — «Сана» студенттік бағдарламасының жүргізушісі, редакторы.
• 2001 — «Менің Астанам», Астана телеарнасы, авторлық бағдарламаларының редакторы және бағдарлама жүргізушісі.
• 2001 — «Денсаулық», Астана телеарнасы, авторлық бағдарламаларының редакторы және бағдарлама жүргізушісі.
• 2001 — «Есірткісіз өмір», Астана телеарнасы, авторлық бағдарламаларының редакторы және бағдарлама жүргізушісі
• 2001 — 2006 «Жақыныңа жәрдемдес» Астана телеканалы, авторлық бағдарламаларының редакторы және бағдарлама жүргізушісі.
• 2004 — 2006 «Қайырлы күн, Астана» Астана телеканалы, тікелей эфир бағдарламаларының редакторы әрі жүргізушісі

Еңбектері

Мақалалары Қазақстандық және шетелдік басылымдарда жарияланған, сонымен қатар бірқатар көркем әңгімелердің авторы.
Көптеген телевизиялық жобалардың, деректі фильмдердің жетекшісі, жүргізушісі және сценарийлерінің авторы.
Қазақша-қытайша-орысша-ағылшынша-түрікше сөздіктердің құрастырушысы

Қосымша

Тұрмыста, үш қыз, екі ұл тәрбиелеп отыр.
Қытай, орыс және ағылшын тілдерін жақсы меңгерген.

• Сурет
• 2009 жыл
  2009 жыл