Нұржамал Ахметова-Рақышева

Нұржамал Ахметова-Рақышева (10.11.1946. Алматы.) -телережиссер, инженер. [1]. 1964- 65 жылдары республикалық радиода режиссердің көмекшісі, 1968-72 жылдары режиссер ассистенті, 1972- 76 жылдары радиотелеорталықта техникалық бақылау операторы, 1976-98 жылдары дыбыс құралдарының қызмет механигі, телевизиялық қызмет көрсету саласының электромеханигі, радио-телеорталықтың орталық аппаратханасының инженері қызметтерін атқарды.

1958 жылы "Жұмбақ қыздың жұмбақтары" атты балалар бағдарламасына жүргізуші болады. Бағдарлама режиссері Әсман Дүйімбаев, ал редакторы Жақан Смақов. Осы кезде балалар дикторы қызметінде жүріп көптеген балалар спектакльдерінде, ал "Қазақфильмде" деректі және балаларға арналған фильмдерді дыбыстаған. 1960 жылы режиссер С.Шәріпов, режиссер ассистенті Р.Асырбекова және режиссер көмекшісі Ш.Сармурзина, диктор З.Жұматова, суретші В.Немирский, жүргізуші Н.Рақышевалардың "Жұмбақ қыздың жұмбақтары" бағдарламасы Мәскеуде өткен "Қазақстан күндерінің Декадасына" қатысып, диплом мен жүлдеге ие болады.

1963-67 жылдары "Ерден атаның ертегілері" атты бағдарламаны Қазақстанның Еңбек сіңірген артистері Т.Жайлыбеков, М.Құланбаевпен бірге жүргізді. Спектакльдердегі рөлдерде Аққағаз Мәмбетова, Жамал Бектасова, Сауық Жақанова, Мәрияш Сариевалармен бірге ойнаған. Спектакль режиссерлері Ы.Қасымов, А.Бекбосынов, С.Естемесоваларда көмекші режиссер, кейін режиссердің ассисенті қызметтерін атқарды.

Дереккөздер өңдеу

  1. "Қазақ телевизиясы", Энциклопедия, "ҚазАқпарат" Алматы, 2009 1-т, ISBN 978-601-03-0070-5