Нұрзия Молдабайқызы Саржан

Нұрзия Молдабайқызы Саржан

1964 жылы 12 сәуірде Қостанай облысы Жангелді ауданының Ақкөл ауылында туған. Қазақ.

Әкесі - Саржанов Молдабай, ҰОС ардагері. Анасы - Мешітбаева Рәзипа, комсомол ұйымдастырушысы болған. Жезқазған педагогикалық институтының жаратылыстану-география факультетін бітірген (1987), география, биология пәндерінің мұғалімі.

«Географиядан ҰБТ-ға қосымша» көмекші оқу құралының (2009); «Білім инфо», «Қостанай таңы», «Сынып жетекшісі» журналдарындағы 4 мақаланың авторы.

«Нұр Отан» ХДП мүшесі (2004 жылдан).

1987 жылдан - Арқалық қаласының №11 ОМ география пәнінің мұғалімі.

2001 жылдан бері - Н. Наушабаев атындағы Затобол ОМ оқу меңгерушісі-тәрбие жөніндегі ұйымдастырушы «Ұлы Мәртебелі Ұстаз - 2009» сыйлығының жүлдегері. ҚР БҒМ, Қостанай облыстық Білім беру басқармасының, Қостанай қаласы әкімінің, Қостанай аудандық мәслихатының, Қостанай аудандық білім беру бөлімінің құрмет грамоталарымен марапатталған.

Тұрмыс құрған. Жұбайы - Ордабаев Талғат Тарғынбекұлы (1965 жылы туған). Ұлы - Ордабаев Медет Талғатұлы (1988 жылы туған) , қызы - Ордабаева Перизат Талғатқызы (1991 жылы туған).