Нұрлан Қалқа.png

Нұрлан Қалқа 1967 жылы 13 шілдеде Алматы облысы, Шелек ауданы, Масақ ауылында (Асы жайлауында) туған.

1984 жылы орта мектепті бітірген. 1984 — 1985 жылдары Ұзынбұлақ кең-шарының құрылыс бөлімінде жұмыс істеген.

1993 жылы Қазақ мемлекеттік университетінің журналистика факультетін бітірген. 1990—1992 жылдары Алматы облыстық Жетісу газетінде тілші, 1992— 1997 жылдары республикалық «Жас алаш» газетінде тілші, бөлім редакторы 1997 — 2001 жылдары Қазақстан Республикасы Мәдениет, ақпарат құралдары департаментінде бас маман, 2001—2004 жылдары Қазақстан Республикасы Премьер-министрі кеңсесінің Үкіметтік ақпарат бөлімінің консультанты, Баспасөз қызметінің консультанты, 2004 — 2007 жылдары Қазақстан Республикасы Премьер-министрінің Баспасөз қызметі жедел техникалық қамтамасыз ету секторының меңгерушісі, 2007 — 2008 жылдары Қазақстан РеспубликасыПремьер-министрінің Баспасөз қызметінің Бас сарапшысы болып қызмет атқарған. Қазір Қазақстан Республикасы Президенті Баспасөз қызметінің сектор меңгерушісі.

«Әке» атты тұңғыш өлеңі 1984 жылы «Қазақстан пионері» (қазіргі «Ұлан») газетінде басылған. «Біздің ауыл Ақкердің баурайында» (1996), «Халық құрметі» (2004), «Тау тұлғалы Темаға» (2004), «Райымбек» (2005), «Алматым жүрегімде» (2008) атты ұжымдық жинақтарға шығармалары енген. «Сейтек сарыны», «Астана», «Ырымдар және түс жору», «Астана — жыршуағы», «Балбөбекке бәсіре», «Елбасы мәртебесі — ел мәртебесі» атты кітаптардың қүрастырушысы.

1995 жылы Қазақстан Журналистер одағының Б.Бұлқышев атындағы сыйлығының лауреаты, 1999 жылы «Шабыт» фестивалінің дипломанты атанған. «Қазақстан Конституциясына 10 жыл», «Астананың 10 жылдығы» медальдарымен марапатталған. Бірнеше мүшәйралар мен конкурстардың жүлдегері.[1]

ШығармаларыӨңдеу

  • Ұлттық журналиетиканың саңлағы. Зерттеулер, әңгімелер, новеллалар, ертегілер. А., «Ана тілі», 1998;
  • Қазақстан жас ақындарының антологиясы. Ұжымдық жинақ. Өлеңдер топтамасы. Үкіметтік басылымдар редакциясы. Астана. 2000;
  • Қос ішек. Өлеңдер топтамасы. Үкіметтік басылымдар редакциясы. Астана. 2000;
  • Аққу-журек. Өлеңдер, балладалар, толғаулар және поэма. Астана. «Елорда», 2002;
  • Арман қанатында. Әңгімелер жинағы. А., «Жалын», 2003;
  • Жыл он екі ай. Балаларға арналған өлеңдер, сана-мақтар, жүмбақтар, жаңылтпаштар, мысалдар. А., «Балалар әдебиеті», 2005;
  • Отызбесінші шілде. Өлеңдер мен балладалар. А., «Жазушы», 2008.

ДереккөздерӨңдеу

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл