Нұрпейіс Байғанин ескерткіші – 1999 жылы Ақтөбе қаласындағы Әбілқайыр даңғылына орнатылды. Оған арнайы тұғыр қондырылды. Өлшемі шаршы үлгіде /2,5 м x 2,5 м/, қара-көк мәрмәр таспен қапталған. Төменгі тұғырының ұзындығы - 12,2 метр, ені - 6 метр, биіктігі – 1 метр, тұғырды есептегенде 1 м 36 см. Тұғыр үстіндегі мүсін биіктігі 2,3 метр, асбест цемент араласқан материалдардан әзірленген, мыс темірмен қапталған. Жалпы биіктігі 3,66 м. Ескерткішті орнату жобасын обл. бас сәулетшісі, Қазақстан Сәулетшілер одағының мүшесі Б.С. Егінбаевтің басшылығымен «Ақтөбеазаматтықжобалау» институты жасады. Ескерткіштің авторы Грузияның белгілі суретші-монументалисті Гамлет Элиабарашвили. [1]
- ↑ Ақтөбе: энциклопедия. - Ақтөбе, 2001. - 748 бет
