Нұрсерік Кәрімұлы Шәріпов

Нұрсерік Кәрімұлы Шәріпов 1965 жылы 13 қазанда Павлодар облысының Ертіс қаласында туған. Қазақ.

Әкесі - Шәріпов Кәрім (1934 жылы туған), зейнеткер, кеңшар бөлімшесінің бастығы қызметін атқарған. Анасы - Әбдірахманова Ағиша Құсайынқызы (1937 жылы туған), зейнеткер, кеңшар жұмысшысы болған.

С.М. Киров атындағы Қазақ мемлекеттік университетінің заң факультетін (1990) заңгер мамандығы бойынша; М.Қ. Дулати атындағы Тараз мемлекеттік университетінің экономика факультетін (2006) экономика бакалавры дәрежесімен бітірген.

Қазақ, орыс және неміс (сөздіктің көмегімен) тілдерін біледі.

1988 жылдан - С.М. Киров атындағы Қазақ мемлекеттік университетінің заң факультетінде комсомол котитетінің хатшысы. 1990 жылдан - С.М. Киров атындағы Қазақ мемлекеттік университетінің әкімшілік құқық кафедрасының ассистенті. 1992 жылдан - ҚР Президенті Аппаратының жене Министрлер кабинетінің азаматтық және рақымшылық жасау жөніндегі бөлімінің референті. 1995 жылдың наурыз айынан - Қазақстан Республикасының Президенті Аппаратында рақымшылық жасау бөлімінің аға референті. 1995 жылдың маусым айынан Алматы қаласы Фрунзе аудандық сотының судьясы. 199.. жылдан - Апматы қаласы Медеу аудандық сотының судьясы. 2007 жылдан - Алматы қаласының мамандандырылған ауданаралық әкімшілік сотының төрағасы. 2008 жылдан Маңғыстау облысының мамандандырылған ауданаралық экономикалық сотының төрағасы. 2010 жылдың ақпан айынан бері - Маңғыстау облыстық сотының апелляциялық сот алқасының төрағасы.

• Діни көзқарасы - «Барлық конфессияларға толерантты көзқарастамын».
• Саяси қайраткер ретіндегі идеалы - Н.Ә. Назарбаев.
• Қазақстанның болашағы туралы болжамы - «Қазақстан әлемнің неғұрлым бәсекеге қабілетті 50 елінің қатарына қосылатындығына сенімдімін».
• Хоббиі - балық аулау.
• Сүйіп оқитын әдебиеті - классика, тарихи романдар, детективтер. Үйленген.

Жұбайы - Арыстанова Райхан Өсімбайқызы (1968 жылы туған), жеке кесіпкер. Қызы - Шәріпова Әсел Нұрсерікқызы (1988 жылы туған).