Нәзекет Нұрғалиқызы Шәукенбаева

Нәзекет Нұрғалиқызы Шәукенбаева (15.1.1919, Батыс Қазақстан облысы Теректі ауданы Бұлақтысай ауылы) -актриса, әнші, өнертану кандидаты (1967) 1938 жылы Мәскеу қаласындағы театр өнері институтының актерлер даярлайтын қазақ студиясын бітірді. Рольдері: Клариче (К.Гольдонидің "Екі қожайынға бір қызметшісінде"), Графиня (О. де Бальзактың "Памела Жиросында"), Дездемона (У.Шекспирдің "Отеллосында"),т.б.

• 1938 -43 жылы Қазақ академиялық драма театры құрамында актриса,
• 1943 -45 жылдары Қазақ академиялық опера және балет театрында хор артисі,
• 1950 - 76 жылдары Әдебиет және өнер ин-тында ғыл. қызметкер ретінде еңбек етті. Оның зерттеу мақалалары "Облыстық қазақ театрлары" (1 - 2-т, 1975 - 78) атты ұжымдық жинақтарда, "Қапан Бадыров" (1969) пен "Актерлік шеберлік" (1979) кітаптары жарық көрді. 1981 жылдан зейнеткер.