Нәмет Сүлейменов

Нәмет Сүлейменов (17.9.1922, Оңтүстік Қазақстан облысы Бөген ауданы Қараспан селолық кеңесі, Жамбыл с. 24.9.1996) - ақын. Түркістан педагогикалық училищесін бітірген (1941). Соғыс жылдарында осы облыстың Арыс ауданында мұғалім, оқу ісінің меңгерушісі және мектеп директоры қызметін атқарған. 1946 жылдан "Оңтүстік Қазақстан" облыстық газетінің редакциясында түрлі шығарм. қызметте болды. Ленгер қалалық (қазіргі Төле би ауданы) радио комитетінің бас редакторы, 1963 - 1965 ж. Қазақстан Жазушылар одағының Оңтүстік Қазақстан өлкелік бөлімшесінің жауапты хатшысы қызметтерін атқарған. Сүлейменов 1975 жылдан шығармашылық жұмыспен айналысқан.