Олег Меркулов

Олег Меркулов (1925-1999) - 1З қарашада Ресейдің Брянск қаласында туған. 1943— 1948 жылға дейін әскер қатарында қызмет еткен. Ұлы Отан соғысына қатысқан. 1954 жылы Ленинградтағы Шет тілдер институтының аудармашылар факультетін бітірген. Сосын Алматыға келіп, «Казахстанская правда» газетінде жұмыс істей жүріп, ағылшын тілінен орыс тіліне Р.Райттың «Протяжная песня темнокожого» повесін, Дж Б.Пристлидің «Герой-чудотворец» романын, басқа да бірқатар ағылшын жазушыларының әңгімелерін аударған.

Еңбек жолы

Қазақ КСР Баспа, полиграфия және кітап саудасы істері жөніндегі мемлекеттік комитетінде аға редактор, Қазақстан Жазушылар одағында орыс прозасы секциясында әдеби кеңесші болған.

Еңбектері

«Ради тебя» (1969), «На двух берегах» (1978) романдары, «Комбат Ардатов» повестері шыққан. Кейбіреуі поляк тіліне аударылып жариялайды. I дәрежелі Ұлы Отан соғысы орденімен, «Ерлігі үшін» медалімен, Қазақ КСР Жоғарғы Кеңесінің Құрмет Грамотасымен марапатталған.