Олимп батырлары

Олимп батырлары

Олимп батырлары - американдық жазушы Рик Риордан жазған "Перси Джексонның" жалғасы болып табылатын 5 фантастикалық кітаптардан тұратын кітаптар жиынтығы. "Олимп батырлары" кітаптар жиынтығының ең алғашқысы 2010 жылы жарық көрді.

Жоғалған батыр

Бұл кітап 2010 жылы жарық көріп, көптің сұранысына ие болды. Кітап Персидің титандардан кейінгі өмірі туралы баяндайды. Барлық соғыстан аман-есен шығып, жаңа өмір бастағалы жатқанда Перси жоғалып кетеді. Сол уақытта жартықандар лагерінде Джейсон өзінің 2 досымен келеді. Аннабет баста Джейсонға ашуланып жүреді. Кейін ойын өзгертеді. Гиганттармен соғыс басталғалы жатқандықтан ұзақ уақыт бойы араздасып келе жатқан екі лагерь бірігуі үшін Юнона, яғни, Гера Джейсон мен Персидің жадыларын алып, екі лагерьді біріктіру үшін оларды бір-бірінің үйіне жібереді. Джейсонның достары: Лео, Пайпер. Оракулмен айтылған сөзге байланысты Лео, Пайпер, Аннабет және Джейсон тағы Перси және 2 жартықұдай бірігіп, Геяның оянуына қарсы әрекетке баруы керек болады. Лео және Гефест үйіндегі жартықұдайлар "Арго2" деген ұшатын кеме салады.

Нептун ұлы

Бұл кітап 2011 жылы жарық көрді. Кітап Персидің жеті жартықұдай миссиясында көрген қиыншылықтары жайлы баяндайды. Бұл кітапта Перси өзіне екі дос тауып алады. Олардың аты Хейзел және Фрэнк. Хейзел төменгі әлемнің құдайы Плутонның баласы, ал Фрэнк соғыс құдайы Марстың баласы. Олар үшеуі Танатос - өлім құдайын тұтқыннан шығаруға жолға аттанады. Олардың жолында көптеген қиындықтар кездеседі, бірақ үшеуі бір-біріне әрқашан қол ұшын созғаны үшін тірі қалды. Кітап соңында, олар қалған төртеуімен: Джейсон - аспан құдайы Юпитердің баласы, Лео - Гефесттің, өнер құдайының баласы, Пайпер - әдемілік құдайы Афродитаның баласы және Аннабет - білім құдайы Афинаның баласымен кездеседі.

Афина белгісі

Кітап 2012 жылы жарық көрді. Бұл кітапта жеті батыр бастарын қосады. Олар бірге Афина Парфенос атты артефактты табу керек, ал əрі қарай Аннабет өте қорқынышты жерасты туннельде жүру керек. Бірақ Лео атты жартықұдайға Эйдолон еніп, ол арқылы римдіктерге соғыс ашады. Сөйтіп, жетеуі римдіктерден қашып, жолға шығады. Римдіктер оларды кешірмеді, сол үшін олардың артынан армия жіберді. Жеті батыр қашып, айла арқылы сол армияны өздерінен алыстатады. Бірақ жол ортасында Джейсонға түс келеді, ол Никоны - Аидтың (рим. Плутон) баласы гиганттардың тұтқынында. Жəне ол Перси мен Аннабеттің қаны жерге төгілсе, Гея ұйқыдан тұратынын білді. Сөйтіп, Аннабет өзі артефактты іздеуге барады, қалғаны Никоға көмектеседі. Соңында, Аннабет Афина Парфеносты табады жəне Нико құтқарылады, бірақ Арахна - өрмекші құдайы Аннабет пен Персиді Тартарға өзімен бірге алып кетеді.

Аид үйі

Кітап 2013 жылы жарық көрді. Бұл кітап Аннабет пен Персидің Тартардағы өмірі жəне олардың жаңа жерлерге үйренуі. Олар жолында көптеген қиындықтарды көреді, солардан өтеді. Ал жоғарғы əлемде Нико жəне қалған бесеуі Перси мен Аннабет екеуі бара жатқан жерге жол жүреді. Ол ещтеңе болмас еді, бірақ олардың жолында өте көп монстрлар кездеседі. Перси мен Аннабет өздеріне дос тауып алады - Япет. Ол титан. Үшеуі бірге олар "өлім қақпасына" жетеді. Сонда Япет өз өмірі арқылы Перси жəне Аннабетті құтқарып, жоғарғы əлемге шығарады. Бірақ жоғарғы əлемнен Лео жəне Хейзел əлі "Өлім Қақпасын" ашпады, ал уақыт тығыз болып тұрды жəне оларға гигант кедергі келтірді, сонда Лео өзінің жұмыс жасайтын заттарымен есікті ашады да, сол жерден Перси мен Аннабет шығады. Оларда күш қалмаған еді, бірақ дəл сол уақытта оларға Джейсон, Фрэнк, Пайпер жəне Геката - магия құдайы қосылады. Бірге олар гигантты жеңеді.

Олимп қаны

Кітап 2014 жылы жарық көрді. Бұл кітапта жеті батыр гиганттарға қарсы шығады. Біріншіден олар гиганттардың планын біліп алады, сол арқылы өздеріне қауіпсіз тактика құрастырады. Кейінірек, жетеуі де Ника - жеңіс құдайын ұстап алады, себебі ол Зевспен бірге болу керек. Батырлар ежелгі грек жеріне барып, гиганттармен соғысады, оларға көмекке құдайлардың өзі келеді. Бірақ соғысу ортасында Перси жəне Аннабеттің қаны төгілді, сол үшін Гея ұйқыдан оянды. Сол жетеуі қайтадан жартықұдайлар лагеріне келеді. Сол жерде Гея тұрды. Лео Геяны аспанға көтеріп, Джейсонмен бірге оны өлтіреді. Осыдан кейін барлығы жақсы болды.

Кейіпкерлер

Жартықұдайлар - бойында құдайдың да, адамның да қаны кездесетін жаратылыстар. Джейсон - 16 жасты Зевс баласы. Пайпер - 16 жасты Афродита баласы. Лео - 16-17 жасты Гефест баласы. Перси - 17 жасты Посейдон баласы. Хейзел - жасы белгісіз, əкесі Аид. Фрэнк - 16 жасты Арес баласы. Аннабет - 16-17 жасты Афина баласы. Құдайлар - бар әлемді жаратқан және басқара алатын жаратылыстар. Титандар - құдайларға дейінгі әлемді билеген жаратылыстар. Адамдар - қарапайым пенделер. Гея - Жер құдайы, ең бірінші құдай. Гиганттар - Геяның балалары.